SHER OF JAUN ELIYA
jo guzārī na jā sakī ham se
ham ne vo zindagī guzārī hai
maiñ bhī bahut ajiib huuñ itnā ajiib huuñ ki bas
ḳhud ko tabāh kar liyā aur malāl bhī nahīñ
ye mujhe chain kyuuñ nahīñ paḌtā
ek hī shaḳhs thā jahān meñ kyā
tum jab aaogī to khoyā huā pāogī mujhe
merī tanhā.ī meñ ḳhvāboñ ke sivā kuchh bhī nahīñ
mere kamre ko sajāne kī tamannā hai tumheñ
mere kamre meñ kitāboñ ke sivā kuchh bhī nahīñ
in kitāboñ ne baḌā zulm kiyā hai mujh par
in meñ ik ramz hai jis ramz kā maarā huā zehn
muzhda-e-ishrat-e-anjām nahīñ pā saktā
zindagī meñ kabhī ārām nahīñ pā saktā
ConversionConversion EmoticonEmoticon
Note: Only a member of this blog may post a comment.