Ajab Ek Shor Sa Barpa Hai Kahin..

Ajab Ek Shor Sa Barpa Hai Kahin.. Koi Khamosh Ho Gaya Hai Kahin
Hai Kuch Aesa Kay Jaisay Yeh Sab Kuch
AB Sey Pehlay Bhi Ho Chuka Hai Kahin
Jo Yahan Sey Kahin Naa Jaata Tha
Woh Yahan Sey Chala Gaya Hai Kahin
Tujh Ko Kiya Ho Gaya Kay Cheezon Ko
Kahin Rakhta Hai Dhondhta Hai Kahin
Tu Mujhay Dhoondh, Main Tujhay Dhondhoon
Koi Hum Mein Sey Reh Gaya Hai Kahin
Is Kamray Sey Ho Kay Koi Wida
Is Kamray Mein Chup Gaya Hai Kahin

• Tweet
• Share
• Share
• Share
• Share