Jaun Elia Poetry

تجھ کو بھولا نہیں وہ شخص کہ جو
تیری بانہوں میں بھی اکیلا تھا

جمع ہم نے کیا ہے غم دل میں
اس کا اب سود کھائے جائیں گے

خود سے مایوس ہو کے بیٹھا ہوں
آج ہر شخص مر گیا ہوگا

یاد آتے ہیں معجزے اپنے
اور اس کے بدن کا جادو بھی

خدا سے لے لیا جنت کا وعدہ
یہ زاہد تو بڑے ہی گھاگ نکلے

میں سہوں کرب زندگی کب تک
رہے آخر تری کمی کب تک

خون کے گھونٹ پی رہا ہوں میں
یہ مرا خون ہے شراب نہیں

میں بستر خیال پہ لیٹا ہوں اس کے پاس
صبح ازل سے کوئی تقاضا کیے بغیر

شام ہوئی ہے یار آئے ہیں یاروں کے ہم راہ چلیں
آج وہاں قوالی ہوگی جونؔ چلو درگاہ چلیں

• Tweet
• Share
• Share
• Share
• Share